Шкул ачисен пултарулăхне тупса палăртас, чăваш чĕлхин пĕлтерĕшне, сумĕпе хисепене ÿстерес тĕллевпе ака уйăхĕн 22–мĕшĕнче Тушкил пĕтĕмĕшле пĕлÿ паракан вăтам шкулта «Янăра, чăваш чĕлхи!» темăпа сăвă вулакансен конкурсĕ иртрĕ.Ку  конкурса кăçал Чăваш чĕлхи кунне (апрель уйăхĕн 25-мĕшĕнче) тата чăваш халăхне çутта кăларакан Иван Яковлевич Яковлев çуралнăранпа 175 çитнине халалланă. Малтанах Морякова Л. П. вĕрентекен конкурса хутшăнакан ачасене пурне те ăнăçу сунчĕ, Леонид Лялькин çырнă «Сăваплă ят» сăвва вуласа ачасене хавхалантарчĕ.Васильева Руслана (9 кл.) Иван Яковлев çырнă «Чăваш халăхне» халалăн сыпăкĕсене пăхмасăр вуларĕ. Сăвă вулама 1-8-мĕш классенче вĕренкенсем кăмăл турĕç. Ачасем чăваш поэчĕсен сăввисене уççăн янăраттарчĕç. Конкурс пĕтĕмлетĕвĕ тăрăх, 1-4 кл. хушшинче пĕрремĕш вырăна  Кириллов Станислав (4 кл.) тухрĕ, иккĕмĕш вырăнта- Шашкова Ника (2 кл.), виççĕмĕш вырăна – Игнатьева Алиса (2 кл.). 5-8-мĕш классем хушшинче пĕрремĕш вырăн Ефимов Андрей (7кл.) йышăнчĕ, иккĕмĕш вырăнта Дубровин Виктор (5 кл.), виççĕмĕшĕнче – Цыганов Арсений (5 кл.) Ачасем хăйсем суйласа илнĕ сăвăсене чун туйăмĕпе илемлĕ вуласа парса куракансен чун-чĕрине тыткăнларĕç. Ҫӗнтерӳçӗсене пурне те саламлатпăр, вӗренӳре тата кулленхи пурнăçра çитӗнӳсем тума сунатпăр!