Ĕнер, ака уйăхĕн 20-мĕшĕнче, Тушкил  вăтам шкулта вĕренекенсем район шайĕнче ирттернĕ  «Тăван чĕлхесĕр - чăн-чăн пĕлÿ  çук» фестивале хутшăнчĕç. Ку фестивале чăвашсене  çутта кăларнă Иван Яковлев çуралнăранпа 175 çул çитнине, Чăваш Республикинчи  «Телейлĕ ачалăх» çулталăкне халалланă. Аслă Вĕрентекенĕмĕр çырнă «Чăваш халăхне»  халала питĕ илемлĕ вуласа 9-мĕш класра вĕренекен Васильева  Руслана призер ята тивĕçрĕ. «Телейлĕ ачалăх» номинацире  7-мĕш класра вĕренекен  Кириллов Станислав Любовь Мартьянова çырнă «Юрамасть юлма» сăвва питĕ ăста вуларĕ, призер пулса тăчĕ. «Маттур, ачасем! Малашне те ăнăçу сунатпăр.