Авăн уйăхĕн 20-мĕшĕнче районта Театр çулне тата Шупашкар хули никĕсленнĕренпе 550 çул çитнине халалланă «Упрар тăван чĕлхемĕре» оратор ăсталăхĕн конкурсĕ иртрĕ. Ку конкурса шкулсенче вĕренекен ачасем хăйсем Чăваш çĕр-шывĕн гражданинĕ пулнине туйса илме, чăваш чĕлхине тата лайăхрах пĕлччĕр тесе йĕркеленĕ. Вĕсен «Тăван çĕр-шыв», «Шупашкарăм, савнă Шупашкарăм», «Театр-наци чунĕ» темăсенчен пĕрне суйласа илсе хăйсен шухăш-кăмăлне класа памалла пулчĕ .Пирĕн шкултан çак конкурса Антонова Викăпа (7-мĕш класс) Шусева Карина (8-мĕш класс) хутшăнчĕç. Антонова Вика призер ятне илме тивĕçлĕ пулчĕ. Викăна саламлатпăр! Вĕренекенсене вĕренÿре тата конкурссенче ăнăçусем сунатпăр!