Тушкилти пěтěмěшле пěлÿ паракан вăтам шкулта тăван чěлхе кунне халалланă эрне малалла пырать.

       Ачасен  пултарулăхне,чĕлхе илемлĕхĕпе пуянлăхне туйма, анлă пĕлӳллĕ, пысăк тавра курăмлă  пулма вĕрентес  тĕллевпе  нарăс уйăхӗн 15-мӗшӗнче   Тушкилти пĕтĕмĕшле пĕлӳ паракан вăтам  шкулта 6 класра  вӗренекен ачасем хушшинче «Тăван чěлхе - чăваш чěлхи» ăс-тăн вăййи иртрĕ.. Çивĕч кĕрешÿре чи нумай балл пухса пĕрремĕш вырăна Кузьмин Сергей тухрĕ, 2-3-мĕш вырăнсене Иванов Ростиславпа Селиванов Димитрий пайларĕç.

    Çак кунах 7-мĕш класра «Пирĕн пултарулăх» темăпа вăйă-викторина пулчĕ . Ачасем икĕ ушкăна пайланса тупăшрĕç. Хăйсен ăсталăхĕпе пултарулăхне  тăван  чĕлхепе - чăваш чĕлхипе - кăтартса пама пултарчĕç вĕренекенсем. 12,5 балл пухса «Çăлтăрсем» ушкăн çĕнтерÿçĕ пулса тăчĕ, иккĕмĕш вырăнта -«Чăваш ачисем».

     «Тӑван чӗлхе-тӑван халӑхӑн нихӑҫан  иксĕлми ӑс-тӑн çӑл куҫӗ. Çак çӑл куҫран эпир мĕн ачаран тумламӑн-тумламӑн пӗлӳ илсе ӳсетпӗр. Тăван сасăран, тӑван чӗлхерен пирĕн ăс-хакăл, чун-чĕре вăй-халӗ, кӑмăл никӗсӗ аталанма пуҫлать»,-тесе пĕтĕмлетÿ турĕç вăйăсене хутшăннă ачасем.

         Малти вырăнсене тухнă ачасене  саламлатпăр!