Çу уйăхĕн 19-мĕшĕнче шкул ачисемпе студентсен Чăваш Республикинче Аннепе Аттене халалланă 2017 çул ячĕпе чăваш чĕлхипе тата литературипе пĕтĕм тĕнче олимпиади иртрĕ. Олимпиада икĕ енлĕ пулчĕ: «Чăваш чĕлхин илемĕ» тата «Чăваш чĕлхи – тăван чĕлхе».

   Чăваш Республикин вĕренÿ институчĕн залĕнче 2016 тата 2017-мĕш çулсенче чăваш чĕлхипе тата литературипе ирттернĕ регион олимпиадисен 51 çĕнтерÿçипе призерĕ пухăнчĕ. Ку хастарсем «Чăваш чĕлхи – тăван чĕлхе» олимпиадăна хутшăнчĕç. Олимпиадăна хутшăнакансене Чăваш наци конгресĕн пайташĕ Геронтий Лукиянович Никифоров, Чăваш Республикин Вĕренÿ тата çамрăксен политикин министрĕ Юрий Николаевич, Республикăн вĕренÿ институчĕн ректорĕ Сергей Михайлович Савин  саламларĕç.

    Олимпиадăна хутшăннă кашни ача сертификат тата хаклă парне илчĕ.

  «Чăваш чĕлхи- тăван чĕлхе» олимпиадăра Тушкилти  пĕтĕмĕшле пĕлÿ паракан вăтам шкулти 9 –мĕш класра вĕренекен Якимова Ираида шкул чысне çÿллĕ шайра хÿтĕлерĕ,çĕнтеруçĕ пулса тăчĕ. 

   Ираидăпа  унăн вĕрентекенне, Л.П.Моряковăна, чун-чĕререн саламлатпăр, малашне те ăнăçусем сунатпăр!