Шкулти библиотекăра чăваш чĕлхи эрни тăршшĕпех «И.Я.Яковлев - Чăваш  Улăпĕ»  кĕнекесен выставки ĕслет. Унта аслă çул пуçăмăрăн пурнăçĕпе ĕçĕ-хĕлĕ, чăваш халăхне панă халалĕ,  вăл йĕркелесе çур ĕмĕр ытла ертсе пынă Чĕмпĕрти чăваш шкулĕ пирки çырнисем, хăй çуралнă вырăнсем çинчен çырнă кĕнекесем вырăн тупнă. 

     Чăваш культурипе çут ĕçĕн паллă ĕçченĕ, педагог-демокрачĕ, çыравçи 1848-мĕш çулхи ака уйăхĕн 25-мĕшĕнче  Тутарстанăн  Теччĕ районĕнчи Кăнна Кушки ялĕнче çуралнă. Унăн ячĕ тӑван халӑха валли ҫырулӑх хывса хӑварнисӗр пуҫне вӑл уҫнӑ Чӗмпӗрти чӑваш шкулӗ вӗрентӳ, литературӑпа культура, искусство ҫыннисене хатӗрленипе те сӑваплӑ. Унӑн «Чăваш халăхне» халалĕ вара çамрăк ӑрӑва парса хӑварнӑ ырӑ сунӑм пулса тӑрать.

   Ачасем Иван Яковлевăн кĕнекисене  юратса вулаççĕ. Кĕçĕн классенче вĕренекенсем «Ача-пăча калавĕсем» кĕнекери хайлавсенчен кашни калав мĕн çинчен пулнине аван пĕлеççĕ. Вăтам классенче пĕлÿ пухакансем уйрǎмах  Тихăн Петĕрккин «Кушкă ачи» кĕнекине алран ямаççĕ. Аслăраххисем вара Юхма Мишши çырнă «Шарал» тата «Патриарх» хайлавсемпе интересленсех паллашаççĕ.

    Иван Яковлевич Яковлевăн тăрăшулăхĕ, çирĕп кăмăлĕ ачаранах тăван халăха, чĕлхене, культурăна юратма  хавхалантарса пырать.