Тунтикун, ака уйăхĕн 4-мĕшĕнче ,9-мĕш класра вĕренекен ачасен ашшĕ-амăшĕсен пухăвĕ  иртрĕ. Унта  ачасем 3-мĕш чĕрĕке  мĕнле вĕçленине тишкерчĕç. Асăннă чĕрĕке виçĕ ача «5» паллăпа  вĕçлерĕ, тăваттăшĕ-«4» тата «5»паллăпа. Вĕренÿре ĕлкĕрсе пырайманнисем çук. Кун йĕркинчи иккĕмĕш ыйтупа шкул директорĕ Е.С.Емельянова тухса калаçрĕ. Вăл 9-мĕш класра пĕлÿ пухакансем патшалăхăн тĕп экзаменне хатĕрленсе, вырăс чĕлхипе, математикăпа тата хăйсем суйласа илнĕ предметсемпе  хăнăхмалăх çырнă ĕçсен кăтартăвĕсем çинче чарăнса тăчĕ. Елена Семёновна ашшĕ-амăшĕсене ачасем экзамен  мĕнле тытнине палăртакан кунсен графикĕпе паллаштарчĕ, комисси лартнă паллăпа килĕшмесен хăçан апелляци памаллине ăнлантарчĕ. Класс ертÿçи «Экзамена хатĕрленме ачасене мĕнле пулăшмалла?» темăпа калаçу ирттерчĕ, пухăва килнисене хыпар кĕнекисем (памятка) валеçсе пачĕ.