Ака уйǎхĕн 27-мĕшĕнче шкулта чǎваш халǎх писателĕ Юхма Мишши çырнǎ «Шарал» роман тǎрǎх  вулав конференцийĕ иртрĕ. Унта 10-11-мĕш классенче вĕренекенсем хастар хутшǎнчĕç,  чǎваш халǎхĕн мухтавлǎ Улǎпĕ –И.Я.Яковлев çинчен тухса калаçрĕç. Александрова Анастасия (10 кл.), Иванова Любовь (10кл.), Стрелкова Вероника(11 кл.), Петрова Надежда (11 кл.), Назарова Татьяна (11 кл.), Александрова Ксения (10кл.) хǎйсен калаçǎвĕнче романри сыпǎксемпе анлǎн усǎ курчĕç. Григорьева Александра(10 кл.) чǎваш поэчĕсен И.Я.Яковлева халалланǎ сǎввисене илемлĕ вуларĕ. Вулав конференцине хутшǎннисем  юлашкинчен  çакна палǎртрĕç: «Шарал» роман тǎван халǎхшǎн питех те кирлĕ, пысǎк пĕлтерĕшлĕ  хайлав.