И.Я.Яковлев çуралнăранпа 165 çул çитнине халалланă чăваш чĕлхи эрнине хутшăнса    Тушкил шкулĕнчи  8-мĕш  «Б» классем  «Тăван чĕлхе  - чăваш  чĕлхи»  ятлă  ăмăрту ирттерчĕç. Ачасен ытларах Иван Яковлев пурнăçĕнчи фактсене, чĕлхе историне пĕлмелле пулчĕ. Данилова А.П.  вĕрентекен  хатĕрленĕ  тĕрлĕ  ĕçсемпе  тестсем  витĕр тухрĕç  саккăрмĕшсем.  Емельянов  Александр, Храмов Никита, Якку Изабелла чи пултаруллисем ята тивĕçрĕç.  Ачасен кăсăкланăвĕ ăмăрту  хыççăн та  çухалмарĕ.  Вĕсем Яковлева халалланă кĕнекесепе тепĕр  хут  паллашрĕç, ыйтусем  пачĕç.  Кăсăклану пулсан  чăваш  чĕлхин  малашлăхĕ пур-ха.