Юпа уйăхĕн 4-мĕшĕнче Тушкилти пĕтĕмĕшле пĕлÿ паракан вăтам шкулта учительсен куне халалланă концерт иртрĕ.Яланхи пекех, ăна 11-мĕш класс вĕренекенĕсем йĕркелерĕç. Уяв питĕ хавас  иртрĕ. Ачасем хăйсене тĕрлĕ енчен кăтартрĕç: хĕрсем ташăпа савăнтарчĕç, каччăсен такмакĕсем те вĕрентекенсене килĕшрĕç. Вĕрентекенсене те уявра ахаль лартмарĕç, вĕсем  тĕрлĕ конкурссене хутшăнчĕç, ташласа-юрласа зала савăнтарчĕç, хăйсене аса илмелĕх ăшă туйăмсем хăварчĕç. Вăхăт хăвăрт шуса иртрĕ, концерт вара калама çук эффектлă вĕçленчĕ, куракансем çине пĕтĕм енчен тĕрлĕ тĕслĕ вак хут татки (конфетти) вĕçрĕ.